Tuaupiki, HakiTotorewa, Te Oko Horoi2022-11-032022-11-032022https://hdl.handle.net/10289/15321I te tau 1875 i tiihooka tahi atu a Kiingi Taawhiao ki Taranaki ka tau ki mua ki te aroaro o Te Uahaumeene. Matua raa ko te rongomau me te rangimaaria, te kotahitanga me te aroha o teetehi ki teetehi maa roto mai i te whakapono ki te atua te whaainga i haere ai ia. Ka tutuki i a Kiingi Taawhiao te rongomau me te rangimaaria, te kotahitanga me te aroha o teetehi ki teetehi maa te whakakotahi i ngaa ngaa koorero, ngaa hiitori, ngaa whakapapa, ngaa maataapono mai o te taioretanga o ngoo taatou tuupuna ka toopuuria ki te whakapono Tariao. He whakapono teenei i whakaorangia e ia, e Kiingi Taawhiao maa roto mai i te tongikura, “E Ua, e toru ngaa taonga kei te kapu o taku ringa, ko te Mihinare, ko te Katorika me te Weteriana. Homai taau ka whaa. Kopi katoa ngeenei taonga i au ki te kapu o taku ringa, ka puta ko te Paimaarire.” Ko te whakapono Tariao me ngaa karakia Paimaarie ka hikitia, ka haapaingia tonu e maatou ngaa mangainga, ngaa kaiwhakapuumau i te Kiingitanga inaa raa koia teenei te whakapono matua moo te Kiingitanga. I teenei tuhinga whakapae ko te whakapono Tariao te taahuhu o ngaa koorero. I konei ngahere mai ai te kaupapa matua o teenei tuhinga. “He kura Tariao he kura whakapapa, te herenga ki te whakaoranga o Waikato tangata” Ko teenei kaupapa ka whakarukuhia maa te rangahau i te ahunga mai o te maatauranga kei aa teenei whakapono i whea. Ka rangahautia ko te whakapaparanga o Kiingi Taawhiao mai i te Kore, ki a Rangi raaua ko Papa heke iho mai ki a Hoturoa, aa, ka tau ki a ia ki a Kiingi Taawhiao inaa raa, ko ngeenei momo he mea e tauiratia ana ki roto ki ngaa karakia, ki ngaa Kura kei teenei whakapono. Ka hereherea ko Te Uahaumeene ki koneki naa, ki ngaa koorero e kitea ai maa whea i puaawai mai ai te Tariao me ngaa karakia Paimaarire. Ko te Kiingitanga me ngaana pehonga kaupapa e taapae atu ana ki te oranga o teenei whakapono maa te whakamahi i teenei whakapono teeraa ka waahia. Taea noatia ki te puutakenga mai o te whakapono ake, ngoonaa koorero, ngoona tuuranga, ngoona karakia, ngoona kura, ngoona whakamaaramatanga, tau iho mai ki te reo tupuna o roto. Ko ngaa aupiki me ngaa auheke, te whakaraakeiora hoki i waatea mai, i whaipaanga atu ki te whakapono Tariao ka whakamaaramahia. Ka whakamutua atu me te taatari i ngaa putanga ka puta e kite ake ai me he herenga too teenei whakapono ki te whakaoranga o Waikato tangata.application/pdfmiAll items in Research Commons are provided for private study and research purposes and are protected by copyright with all rights reserved unless otherwise indicated.Taawhiao Pootatau Te Wherowhero, 1822-1894Maori (New Zealand people) -- Environmental aspectsMaori (New Zealand people) -- Social life and customsMaori (New Zealand people) -- ReligionThesis2022-10-31KīngitangaMāoritangaTikangaWhakapapaWhakaponoHāhi MāoriTaiao