Temara, Pou2025-03-062025-03-062016Temara, P. (2016). Te whakatipu torekaihuruhuru hai ika-ā-Whiro. Te Kōtihitihi: Ngā Tuhinga Reo Māori, 3. 4-9. https://doi.org/10.15663.c45.360022230-3928https://hdl.handle.net/10289/17219Kai roto i te mōteatea a Hone Tūwhare e mau ana ngā whakaaro me ngā kareāroto o tōku whakatipuranga o Tūhoe i te turakitanga a Mate i te tipua nei i a Te Rangihau i te tau 1987. Mōwai ana te whenua, takarerewa ana te tangata. He atua te rite o Te Rangihau ki a Tūhoe. Ka kitea ia i ngā marae o Tūhoe, ka hikina te ngoi o te iwi, ka ora. Kua mate nei, tārū ana te iwi; kua hinga te rākau taumatua o ngā manu, kua hinga i te tao o te mate. Kāore hoki i roa i muri mai o tōna wehenga atu ka whai muri ko tōna rēanga me tōna momo. Mā wai e ārahi te iwi? Mā wai e whakatika te waka ka tikoki, te iwi ka hē? Mā wai o tō mātau whakatipuranga e whakakīkī ngā whāruarua kua mahue mai nei i te ngaronga atu o tērā whakatipuranga taioreore? Koinei ngā mōhio o Tūhoe, he mana te kupu, he tapu te kōrero! Ahakoa i noho rātau ki te ako i a mātau mō te wā e ngaro ai tō rātau momo, tāupetia ana mātau e te mokemoke, he manu mahue i te kātua te rite. Ae, i reira anō ngā torekaihuruhuru e whakatore ana, engari kīhai i a rātau te mana tohunga o te rēanga ka ngaro.miAttribution-NonCommercial-NoDerivatives 4.0 Internationalhttp://creativecommons.org/licenses/by-nc-nd/4.0/Mana tūpunaTikanga tuku ihoMātaurangaJournal Article10.15663/c45.360022230-3936