Permanent URI for this collection
Kei te kohinga rangahau nei ko ngā tuhinga katoa nō Putanga 2, 2012 o te puka hautaka, Te Kōtihitihi.
He taipitopito anō mō Putanga 2: https://www.waikato.ac.nz/about/faculties-schools/te-pua/te-kotihitihi/putanga-2/
He taipitopito anō mō Putanga 2: https://www.waikato.ac.nz/about/faculties-schools/te-pua/te-kotihitihi/putanga-2/
Browse
Recent Submissions
Item Te Kōtihitihi : Ngā Tuhinga Reo Māori, Putanga 2(Journal, The University of Waikato, 2012-05) Ngāpō, Korohere; Manuirirangi, Hōri; Murphy, Ēnoka; Tuaupiki, JackieKoinei te katoa o te Putanga 2 o te puka hautaka, Te Kōtihitihi.Item He pao(Journal Article, The University of Waikato, 2012-05) Roa, TomKo Te Whare Wānanga O Waikato" te ingoa o tētehi pao nāku i tito hei waiata mā Te Whare Wānanga O Waikato, i te tau 2004.Item He pūrongo whakahokinga kōrero a te akomanga rūmaki o Te Tohu Paetahi(Journal Article, The University of Waikato, 2012-05) Nock, SophieKo te whāinga matua o tēnei rangahau he whakakaokao, he wetewete āno hoki i ngā whakahokinga kōrero a te hunga uiui i kake atu ai ki runga i te waka o Te Tohu Paetahi i te tau 2008, i raro i te kōawa o Rehutai, i raro anō hoki i te maru o Te Whare Wānanga o Waikato. Ka aro atu ki ngā urupare a te hunga tekau mā ono mō te kaupapa nei o Te Tohu Paetahi, ka mutu, ka matapakihia ngā kōrero me ngā whakaaro o taua hunga kia āta kitea ai, āe rānei e tika ana te whakahaere, te mahi whakaako i te reo, te tautoko mai hoki a ngā kaiwhakaako me te kura. I te mutunga iho tautoko katoa te hunga uiui ki aua mea katoa.Item Te kākahu whakataratara o Ngāi Tūhoe: Ko te reo ōkawa, ko te reo o te marae(Journal Article, The University of Waikato, 2012-05) McFarland, AgnesKo te reo ōkawa ara ko te reo o te marae, he reo hōhonu. Ka mutu, he tapu katoa ōna āhuatanga katoa. E rua ngā kōrero whakatau o runga i te marae. Ko te karanga me te whaikōrero. Kai roto i wēneki reo e rua, ka ahu mai te kupu nei te poroporoaki. Ka āta tirohia te poroporoaki i roto i ngā whakaaro e pā ana ki ngā tikanga o te karanga. Whai muri ka titiro ki te wāhanga o te poroporoaki i roto i te whaikōrero. Mā wēneki tikanga e rua, ka whakaputaina ngā whakaaro me te hōhonutanga o te mamae o te ngākau pōuri ka ea hoki te mamae. Ka tiro ake tātau ki ngā take i whakaputaina, ngā tohutohu ā rātau mā me ngā rongo o te wairua o te kupu kōrero. Tae atu hoki ki te tohungatanga ki te whakatakoto i te rerenga kupu mai i ngā whatumanawa o ngā kuia me ngā kaumātua ō Ngāi Tūhoe. Nō reira, ka titiro ake tātau ki ngā momo āhuatanga katoa o te karanga. Whai muri ko ngā tikanga e pā ana ki te whaikōrero. Whai muri, ko wētahi atu tūmomo tauira mō te poroporoaki.Item Me tangi ki te hunga whakamomori?(Journal Article, The University of Waikato, 2012-05) Roa, RaukuraI runga o Tūrangawaewae Marae i te 19 Akuhata, 2011 i te rā kawe mate o te koroneihana o Kīngi Tuheitia, i whakatakotohia e Professor Pou Temara te urupounamu ‘ko te hunga whakamomori me tangi me aha rānei?’ Ko taku whakapae, ko te whakaaro pea o roto o tēnei pātai, e aro ana ki te hunga whakamomori. Heoi, ko te aronga kē pea o te kaupapa, ko tēnei mea te tangihanga. He whakapono nō te ao Māori, ko te tangihanga, he whakarangatira i te tūpāpaku me ngā mahi i oti i a ia i te wā o te ora. Heoi, ko tāku e uaparetia ana, ko te kawenga matua o te tangihanga, ko te aroha o te tangata ki te tangata. Ko ngā kaupapa o te tangihanga, tuatahi he tuku i te wairua ki te wāhi ngaro. Tuarua, he huarahi e tīngia ai e te Māori ngā panonitanga o te mate. Tuatoru, he hui e whai oranga ai te hunga ora. Nō reira ko taku paremata ki te pakirēhua a Professor Pou Temara, ae me tangi ki te hunga whakamomori ka tika. Ko te aronga o tēnei pepa he wānanga i ngā tuhituhinga kua puta kē ki te ao mā te wetewete i ngā kōrero mō te tangihanga, te mate, te rerenga o te wairua, te whakahaeretanga o te tangihanga, te whakamomori, me ngā whakapono o iwi kē mō te whakamomori.Item Te Ahi Kā(Journal Article, The University of Waikato, 2012-05) Temara, PouKo te urutaumatua o tēnei tuhinga, ko te matapaki i te ahi kā. He aha tēnei tikanga? I pēhea i ara ake ai? He aha ōna mātāpono, ōna taipitopito? Koia te tūāpapa mō te tuhinga nei. Tuarua, ko te wānanga i te tikanga Māori me ōna rerenga pērā i te whakapapa. Ko te pātai ka puta i tēnei wāhanga o te wānanga ko tēnei nā, he aha te wāhi o te whakapapa ki te ahi kā? Ko te ngako o tēnei tuhinga ko te wetewete i te tikanga ahi kā kia whai tikanga ai te whakataukī nei, ‘ko te ahi kā te mana o te hapū ki te whenua’.Item Kia reo Māori anahe te reo karanga(Journal Article, The University of Waikato, 2012-05) Puke, HaupaiMā taku karanga o runga ake nei tēnei tuhinga e wāwāhi. Ahakoa he aha te ahurea ōna tikanga me ōna kawa, kua hurihia i roto i ngā rautau. Ko ngētehi kei te pupuruhia tonutia hāunga anō he hou ōna āhuatanga. Ko te kaupapa rangahau o tēnei tuhinga ko te karanga me ngētehi āhuatanga ōna hei tautoko i te whakahau kia noho reo Māori anahe te reo karanga. He aha e pēnei na ai te whakaaro mō tēnei o ngā tikanga o te ao Māori? I runga anō i ngā āhuatanga hou, i ngā whakarerekētanga tikanga o te karanga i roto i tēnei ao hurihuri kāore e tautāwhina te take. Ko ngā kōrero, ngā whakaaro hoki e whai ake nei e wānangahia ai hei tautoko i tēnei whakapae āku.Item He Maimai Aroha mō Nātana Waka Takurua(Composition, The University of Waikato, 2012-05) Manuirirangi, HōriHe kupu whakamānawa nā Hōri Manuirirangi ki a Nātana Waka Takurua i tana matenga.Item He Poroporoaki ki a Kahurangi Te Heikōkō Kāterina Mataira(Composition, The University of Waikato, 2012-05) Temara, PouHe kupu whakamānawa nā Ahorangi Pou Temara ki a Kahurangi Te Heikōkō Kāterina Mataira i tana matenga.